ہارورڈ یونیورسٹی معافی مانگے

ہارورڈ یونیورسٹی معافی مانگے

ترجمان وائٹ ہاؤس کیرولین نے کہا کہ امریکی صدر ڈونلڈ ٹرمپ چاہتے ہیں کہ ہارورڈ یونیورسٹی معافی مانگے، اس یورنیورسٹی کو وفاقی قوانین پر عمل کرنے کی ضرورت ہے،
بین الاقوامی خبر رساں ادارے کے مطابق ترجمان وائٹ ہاؤس کا کہنا تھا کہ یونیورسٹی کو کالج کیمپس میں یہودی امریکی طلبا کے خلاف یہود دشمنی پر بھی معافی مانگنی ہو گی، ہارورڈ یونیورسٹی نے ٹرمپ انتظامیہ کے متعدد مطالبات ماننے سے انکار کیا تھا۔

امریکی صدر ڈونلڈ ٹرمپ انتظامیہ نے ہارورڈ یونیورسٹی کو خط میں یہ بھی لکھا تھا کہ طلبہ اور فیکلٹی کے اختیارات کم ہونے چاہیے، بیرونِ ملک سے آئے طلبہ کی خلاف ورزیوں کو فوری وفاقی حکام کو رپورٹ کیا جائے اور ہر تعلیمی شعبے پر نظر رکھنے کے لیے کسی بیرونی ادارے یا شخص کی خدمات حاصل کرنی ہوں گی۔