گوگل کی جانب سے جی میل صارفین کے لیے اہم اپ ڈیٹ

گوگل نے اپنے جی میل صارفین کے لیے ایک اہم اپ ڈیٹ جاری کی ہے۔ اب صارفین اپنے پرائمری @gmail.com ای میل ایڈریس کو اپنے موجودہ گوگل اکاؤنٹ کے ایڈریس میں تبدیل کر سکیں گے۔
اس نئے فیچر کی سب سے بڑی خوبی یہ ہے کہ ای میل ایڈریس تبدیل کرنے کے باوجود صارف کا تمام ڈیٹا محفوظ رہے گا۔ یعنی تصاویر، پیغامات اور دیگر ای میلز متاثر نہیں ہوں گی۔
صارف نئے یا پرانے ای میل ایڈریس کے ذریعے گوگل کی تمام سروسز جیسے Gmail، Maps، YouTube اور Drive میں سائن ان کر سکیں گے۔
گوگل کے مطابق، نیا ای میل ایڈریس بنانے کے بعد صارف اگلے 12 مہینوں تک دوسرا نیا ایڈریس نہیں بنا سکیں گے، لیکن پرانا ایڈریس کسی بھی وقت دوبارہ استعمال کیا جا سکتا ہے۔
اگرچہ ڈیٹا کی حفاظت کی ضمانت دی گئی ہے، گوگل صارفین کو مشورہ دیتا ہے کہ تبدیلی شروع کرنے سے پہلے اپنی معلومات کا بیک اپ بنا لیں، کیونکہ اس عمل کے دوران کچھ ایپ کی سیٹنگز ری سیٹ ہو سکتی ہیں۔
صارف یہ بھی چیک کر سکتے ہیں کہ آیا یہ فیچر ان کے اکاؤنٹ میں فعال ہے یا نہیں۔ اس کے لیے وہ گوگل اکاؤنٹ کی سیٹنگز میں جا کر ‘Personal Information’ کی کیٹیگری دیکھ سکتے ہیں۔