گوگل میپس میں نیا فیچر: پیدل راستوں پر سایہ تلاش کرنے کی سہولت

گوگل میپس میں ایک دلچسپ اور نئے فیچر کی جانچ کی جا رہی ہے جو پیدل چلنے والوں کے لیے خاص طور پر مفید ثابت ہو سکتا ہے۔ اس فیچر کی مدد سے صارفین ایسے راستے منتخب کر سکیں گے جہاں زیادہ تر وقت سایہ ہو، تاکہ سورج کی روشنی اور الٹرا وائلٹ شعاعوں سے تحفظ حاصل ہو سکے۔

اینڈرائیڈ ڈیوائسز کے لیے جاری کیے گئے نئے ورژن میں یہ فیچر موجود ہے اور اسے وقتی طور پر “پریفر شیڈ” کے نام سے جانا جائے گا۔ صارفین اس کے ذریعے دیکھ سکیں گے کہ کون سے راستے دھوپ میں ہیں اور کون سے سایہ دار ہیں، جو نہ صرف گرمی کے دنوں میں بلکہ سردیوں میں بھی چلنے کے تجربے کو بہتر بنائے گا۔

ابھی یہ فیچر تجرباتی مرحلے میں ہے اور گوگل نے اس کے عام صارفین کے لیے دستیاب ہونے کی تاریخ کا اعلان نہیں کیا ہے۔