گورنر سندھ کی روضہ حضرت علی پر حاضری
گورنر سندھ بوہرہ کمیونٹی کے روحانی پیشواء سیدنا سیف الدین کی خصوصی دعوت پر 5 روزہ دورے پر عراق پہنچے،نجف ائیرپورٹ پر پاکستانی سفیر نے گورنر سندھ کا استقبال کیا، نجف میں گورنر سندھ نے حضرت علی رضی اللہ تعالیٰ عنہا کے روضہ پر حاضری دی اور ساتھ ہی ان کے تاریخی گھر اور مسجد کوفہ کی بھی زیارت کی، حضرت مسلم بن عقیلؓ کے روضہ اقدس پر فاتحہ خوانی کی اور مہمانوں کی کتاب میں اپنے قلبی تاثرات قلمبند کیے۔
انہوں نے نجف میں اہم مقامات کی زیارت اور نوافل کی ادائیگی کے بعد ملک اور قوم کی سلامتی ، استحکام اور خوشحالی کے لیے خصوصی دعا بھی کی، عراق کے دورے پر گورنر نجف اور گورنر سندھ کے درمیان اہم ملاقات ہوئی، جس میں سیاحتی، مذہبی اور تجارتی تعلقات کو فروغ دینے سمیت ایس۔ آئی۔ ایف سی کے ذریعے آئی۔ ٹی ، زراعت اور توانائی میں سرمایہ کاری کرنے پر بھی تبادلہ خیال کیا گیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔