ہاٹ لائن نیوز: گلگت بلتستان کے ضلع غذر کے مختلف علاقوں میں لینڈ سلائیڈنگ سے درجنوں مکانات زیرآب آگئے، جبکہ شاہراہ قراقرم تین مقامات پر بند ہوگئی۔
ڈی سی غذر کے مطابق غذر میں گوپس کے گاؤں ینگل میں لینڈ سلائیڈنگ سے 15 مکانات مکمل طور پر تباہ ہوئے جبکہ 59 مکانات کو جزوی نقصان پہنچا، 45 مویشیوں کے شیڈ مکمل اور 20 جزوی طور پر متاثر ہوئے۔
انتظامیہ کے مطابق اشکومان، ہیم اور یاسین میں بھی لینڈ سلائیڈنگ سے 11 مکانات متاثر ہوئے اور مویشیوں کے شیڈ کو بھی نقصان پہنچا۔
بارشوں اور سیلاب سے متاثرہ گلگت، غذر، شندور کی سڑکیں ٹریفک کے لیے بحال کر دی گئیں تاہم ہنزہ میں تیز ہواؤں کے ساتھ بارش کے بعد شاہراہ قراقرم تین مقامات پر لینڈ سلائیڈنگ کے باعث بند ہو گئی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔