گلگت بلتستان حکومت کا ہیلی کاپٹرچلاس کے قریب حادثے کا شکار
گلگت بلتستان حکومت کا ایک ہیلی کاپٹر چلاس کے نزدیک لینڈنگ کی کوشش کے دوران حادثے کا شکار ہوگیا۔ سرکاری ترجمان کے مطابق، واقعہ فنی خرابی کے باعث پیش آیا۔
ہیلی کاپٹر میں دو پائلٹ اور دو ٹیکنیکل اسٹاف موجود تھے۔ فوری طور پر جانی نقصان کی اطلاعات موصول نہیں ہو سکیں۔ واقعے کے بعد ریسکیو ٹیموں کو فوری طور پر جائے وقوعہ کی جانب روانہ کر دیا گیا۔
گلگت بلتستان کے وزیر اعلیٰ نے واقعے پر افسوس کا اظہار کرتے ہوئے متعلقہ اداروں کو موقع پر پہنچ کر تمام ضروری اقدامات کرنے کی ہدایت کی ہے۔
یاد رہے کہ اس سے قبل 15 اگست کو ضلع مہمند میں بھی ایک سرکاری ہیلی کاپٹر ریلیف سرگرمیوں کے دوران گر کر تباہ ہو گیا تھا، جس میں دو پائلٹ سمیت پانچ افراد جان کی بازی ہار گئے تھے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔