کراچی میں ایسٹر کا خوبصورت تہوار منایا گیا
کراچی سمیت ملک بھر میں آج ایسٹر کا تہوار مذہبی جوش و خروش سے منایا گیا، مسیحی برادری نے رنگ برنگے کپڑوں میں ملبوس ہو کر شہر کے مختلف گرجا گھروں میں دعائیہ تقریبات میں شرکت کی، سال کے 40 روزوں کے بعد ایسٹر کا تہوار منایا جاتا ہے، گرجا گھروں میں خصوصی عبادات کا سلسلہ بھی جاری رہا۔
مسیحی برادری نے ایسٹر کو خوشیوں کا پیغام کہا، کراچی کے سینٹرل بروکس میموریل سمیت تمام گرجا گھروں میں مسیحی برادری نے خصوصی عبادات کا انعقاد کیا، جہاں پر بڑی تعداد میں مرد، خواتین اور بچوں نے بھی شرکت کی۔ دعائیہ تقریب کے بعد مسیحی برادری نے ایک دوسرے کو گلے لگا کر ایسٹر کی مبارک باد دی۔ عبادات کے بعد مسیحی برادری نے اپنے گھروں میں نت نئے کھانوں کے پروگرام بھی ترتیب دیے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔