ہاٹ لائن نیوز : خیبرپختونخوا کے ضلع لکی مروت میں ایک کار پر فائرنگ سےپولیس اہلکار اور 2 بچے جاں بحق ہوگئے۔
پولیس کیمطابق لکی مروت میں انڈس ہائی وے پر دریائے کرم کے قریب نامعلوم ملزمان نے کار پر فائرنگ کردی جس کے نتیجے میں وہاں موجود پولیس اہلکار سمیت 2 بچے جاں بحق جب کہ کار میں سوار خواتین کو کوئی نقصان نہیں پہنچا۔
پولیس کا کہنا ہے کہ جاں بحق اہلکار کی شناخت مروت پولیس کے سابق ایم ٹی او سعد اللہ خان کے نام سے ہوئی ہے، ہلاک ہونے والے بچے پولیس اہلکارکے بھانجے ہیں، جن کی عمریں 8 سے 12 سال کے درمیان تھیں۔
واقعے کے بعد ملزمان موقع سے باآسانی فرار ہوگئے جبکہ مقتولین کی لاشوں کو اسپتال منتقل کردیا گیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔