ہاٹ لائن نیوز: چیف جسٹس آف پاکستان کو عدالت میں بھیانک نتائج کی دھمکیاں دینے والے وکیل کو گرفتار کر لیا گیا۔
گزشتہ روز چیف جسٹس آف پاکستان قاضی فائز عیسیٰ کے ساتھ سخت الفاظ کا تبادلہ کرنے والے وکیل مصطفین کاظمی کو پولیس نے گرفتار کر لیا ہے۔
سپریم کورٹ میں آرٹیکل 63 اے نظرثانی کیس کی سماعت کے دوران پاکستان تحریک انصاف سے تعلق رکھنے والے وکیل مصطفین کاظمی کمرہ عدالت میں آئے اور لارجر بینچ کو دھمکی دیتے ہوئے کہا کہ مجھے باہر 500 وکلا کھڑے نظر آرہے ہیں۔ دیکھتا ہوں یہ بنچ پی ٹی آئی کے خلاف فیصلہ کیسے دیتا ہے؟جس کے بعد سپریم کورٹ میں چیف جسٹس اور وکیل کے درمیان تلخ جملوں کا تبادلہ ہوا۔
سماعت کے دوران پی ٹی آئی کے وکیل برہم ہوگئے اور پانچ رکنی لارجر بینچ کو دھمکی دی کہ اگر فیصلہ پی ٹی آئی کے خلاف آیا تو ججز کو سنگین نتائج کا سامنا کرنا پڑے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔