سیکیورٹی ذرائع کے مطابق چترال کے ملحقہ پاک افغان سرحدی علاقے میں سیکیورٹی فورسز نے ایک کارروائی کے دوران سرحد پار موجود ایک مبینہ عسکریت پسند چوکی کو نشانہ بنایا۔
ذرائع کا کہنا ہے کہ کارروائی کے دوران مختلف زمینی ہتھیاروں اور کواڈ کاپٹرز کا استعمال کیا گیا، جس کے نتیجے میں مذکورہ چوکی کو شدید نقصان پہنچا اور وہ غیر فعال ہوگئی۔
سیکیورٹی حکام کے مطابق حالیہ کشیدگی کے بعد سرحدی علاقوں میں نگرانی اور دفاعی اقدامات مزید سخت کر دیے گئے ہیں۔ حکام کا کہنا ہے کہ سرحدی سلامتی کو یقینی بنانے اور کسی بھی ممکنہ خطرے سے نمٹنے کے لیے کارروائیاں جاری رہیں گی۔
ذرائع نے مزید بتایا کہ سیکیورٹی فورسز صورتحال پر مسلسل نظر رکھے ہوئے ہیں اور سرحدی علاقوں میں امن و امان برقرار رکھنے کے لیے ضروری اقدامات کیے جا رہے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔