پی ٹی آئی کے 8 خفیہ رہنماؤں کواشتہاری قرار دے دیاگیا
ہاٹ لائن نیوز : لاہور کی انسداد دہشت گردی کی عدالت نے 9 مئی کو کلمہ چوک پر کنٹینر جلانے کے کیس میں پی ٹی آئی کے 8 خفیہ رہنماؤں کواشتہاری قرار دے دیا۔
عدالت نے تھانہ نصیر آباد میں درج مقدمہ میں پولیس کی درخواست پر کارروائی کی۔ پولیس نے عدالت کو بتایا کہ ملزمان گرفتاری کے خوف سے روپوش ہوگئے، انکے وارنٹ گرفتاری بھی جاری کیے گئے لیکن انہیں گرفتار نہیں کیا جاسکا۔
جس پر عدالت نے پی ٹی آئی رہنماؤں میاں اسلم اقبال، حماد اظہر، مراد سعید، زبیر خان نیازی، حامد رضا گیلانی، محمد جاوید، عبدالصمد اور واثق قیوم کو اشتہاری قرار دے دیا۔
عدالت نے پی ٹی آئی رہنماؤں کے دائمی وارنٹ گرفتاری بھی جاری کردیئے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔