انسداد دہشتگردی عدالت میں جناح ہاؤس حملہ سمیت نو مئی کے تین مقدمات پر سماعت ہوئی۔ عدالت نے پی ٹی ائی رہنما حافظ فرحت عباس اور امتیاز محمود کی ضمانت عدم پیروی کی بنا پر خارج کر دی۔ عدالت نے فواد چودری اسد عمر سمیت دیگر ملزمان کی حاضری معافی کی درخواست منظور کرتے ہوئے ضمانتوں میں توسیع کر دی۔
لاہور کی انسداد دہشتگری عدالت نو مئی کو جناح ہاؤس تھانہ شادمان، عسکری ٹاور اور زمان پارک کے سامنے گاڑیاں جلانے کے مقدمات میں متعدد موجودہ اور سابق پی ٹی آئی رہنماؤں کی عبوری ضمانتوں پر سماعت ہوئی۔انسداد دہشت گردی عدالت کے جج خالد ارشد نے ضمانتوں پر سماعت کی۔
ملزمان حافظ فرحت عباس اور امتیاز محمود کی ضمانت عدم پیروی کی بنا پر خارج کر دی گئی۔ سابق وفاقی وزیر فواد چوہدری ، اسد عمر ،مسرت جمشید اور جمشید اقبال چیمہ کی حاضری معافی کی درخواست منظور کر لی گئی۔
جناح ہاؤس حملہ کیس میں 43 ملزمان کی ضمانتوں میں 7 ستمبر، تھانہ شادمان جلاؤ گھراؤ کیس میں 11 ملزمان کی ضمانتوں میں 11 ستمبر، عسکری ٹاور جلاؤ گھراؤ کیس میں 17 ملزمان کی ضمانتوں میں 13 ستمبر تک جبکہ زمان پارک کے سامنے جلاؤ گھراؤ کیس میں ملزمان کی عبوری ضمانتوں میں 12 ستمبر تک توسیع کر دی گئی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔