لاہور: پاکستان کرکٹ بورڈ نے خواتین قومی کرکٹ ٹیم کے معاون اسٹاف میں بین الاقوامی ماہرین کو شامل کرنے کا فیصلہ کیا ہے۔
ذرائع کے مطابق ٹیم کے اسٹرنتھ اینڈ کنڈیشنگ کوچ، فزیو اور ٹرینر کا انتخاب غیر ملکی ماہرین میں سے کیا جائے گا، جبکہ ہیڈ کوچ کا عہدہ بدستور مقامی کوچ کے پاس ہی رہے گا۔ ٹیم کے موجودہ کوچنگ سیٹ اپ میں بھی تبدیلیاں متوقع ہیں۔
یہ اقدام ویمن کرکٹرز کی فٹنس اور مجموعی کارکردگی کو عالمی معیار کے مطابق بہتر بنانے کے مقصد سے کیا جا رہا ہے۔
مزید یہ کہ پاکستان ویمن اور انڈر 19 ٹیموں کے غیر ملکی دوروں کی تعداد بڑھانے پر بھی غور کیا جا رہا ہے تاکہ کھلاڑیوں کو بین الاقوامی تجربہ حاصل ہو سکے۔
ذرائع کے مطابق ان فیصلوں کو حتمی شکل پاکستان کرکٹ بورڈ کے ڈائریکٹر انٹرنیشنل کرکٹ آپریشنز دیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔