حکومت پاکستان نے قومی ائیر لائن پی آئی اے کی طویل انتظار کی جانے والی نجکاری کے عمل کے لیے وسط دسمبر کی تاریخ مقرر کر دی ہے۔ بولی جمع کرانے کا عمل 12 سے 15 دسمبر 2025 کے درمیان متوقع ہے۔
اس سلسلے میں وزیراعظم شہباز شریف نے آج پری کوالیفائیڈ بولی دہندگان کے لیے وزیراعظم ہاؤس میں ظہرانے کا اہتمام کیا، جس میں انہیں شرکت کے لیے مدعو کیا گیا۔ حکام کے مطابق یہ اقدام حکومت کی جانب سے نجکاری کے عمل کو مکمل کرنے کے لیے مضبوط عزم کی علامت ہے۔
وزیراعظم اس موقع پر بولی دہندگان کا شکریہ ادا کریں گے اور یقین دہانی کرائیں گے کہ حکومت سرمایہ کار دوست پالیسیاں اور مستحکم کاروباری ماحول برقرار رکھتے ہوئے اسٹریٹیجک شعبوں میں اصلاحات جاری رکھے گی۔
نجکاری کے عمل میں وزیراعظم کے مشیر برائے نجکاری محمد علی نے اہم کردار ادا کیا ہے اور بڑے کاروباری گروپس کو قومی ائیر لائن کی فروخت میں شامل کرنے میں مدد فراہم کی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔