ہاٹ لائن نیوز: کامونکی میں پولیس کے رویے سے تنگ آکر خود کو آگ لگانے والا نوجوان اسپتال میں دم توڑ گیا۔ 25 سالہ عبید الرحمان نے بیوی کے اغوا میں ملوث ملزم کی گرفتاری کے لیے احتجاج کے دوران خود کو آگ لگا لی۔
کامونکی کے علاقہ ٹبہ محمد نگر کے عبیدالرحمن نے صائمہ عاقب اور ثاقب وغیرہ کے خلاف اپنی بیوی کرن کے اغوا کا مقدمہ درج کرایا تھا۔
پولیس نے کرن کو بازیاب کرالیا لیکن مقدمہ میں ملوث ملزم کو گرفتار نہیں کیا جس پر 4 روز قبل عبید الرحمان نےاے ایس پی آفس میں گھس کر خود پر پیٹرول چھڑک کر آگ لگا لی تھی جسے وہاں موجود لوگوں اور اے ایس پی نے بچا لیا۔ اور آگ پر قابو پا کر ہسپتال منتقل کر دیا گیا۔
جہاں سے اسے تشویشناک حالت کے پیش نظر جناح ہسپتال لاہور کے برن یونٹ ریفر کیا گیا جہاں وہ پانچ روز تک زندگی اور موت کی کشمکش میں رہنے کے بعد دم توڑ گیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔