ڈیرہ غازی خان میں پنجاب اور بلوچستان کو ملانے والی تمام اہم شاہراہوں کو عارضی طور پر بند کر دیا گیا ہے، جس کے باعث صوبوں کے درمیان زمینی سفر معطل ہو گیا ہے۔
ضلعی انتظامیہ کے مطابق فورٹ منرو کے راستے بلوچستان جانے والی سڑک اور تونسہ سے موسیٰ خیل کو ملانے والی شاہراہ ہر قسم کی ٹریفک کے لیے بند کر دی گئی ہے۔ موجودہ صورتحال میں مسافر ڈیرہ غازی خان کے ذریعے بلوچستان کا سفر نہیں کر سکتے۔
ڈپٹی کمشنر کی ہدایات پر بلوچستان سے متصل سرحدی مقامات بواٹہ اور سخی سرور پر سیکیورٹی بڑھاتے ہوئے آمدورفت روک دی گئی ہے۔
ادھر ریلوے حکام کے مطابق کوئٹہ سے ملک کے دیگر شہروں اور چمن کے لیے ٹرین سروس مسلسل دوسرے روز بھی بحال نہ ہو سکی۔ پشاور جانے والی جعفر ایکسپریس اور چمن کے لیے مسافر ٹرین مقررہ وقت پر روانہ نہیں ہوئیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔