پنجاب حکومت نے صوبے بھر میں فوتگی کے موقع پر کھانا پکانے، تقسیم کرنے اور دعوتی تقریبات کے انعقاد پر پابندی عائد کرنے کا فیصلہ کیا ہے۔ اس اقدام کا مقصد غمزدہ خاندانوں پر غیر ضروری مالی بوجھ کم کرنا اور سوگ کے موقع پر سادگی کو فروغ دینا بتایا گیا ہے۔
حکومتی ذرائع کا کہنا ہے کہ اس فیصلے کے ذریعے دکھاوے اور فضول اخراجات کی حوصلہ شکنی کی جائے گی۔ ذرائع نے بتایا کہ اس سلسلے میں جلد ضلعی انتظامیہ کو واضح ہدایات جاری کی جائیں گی۔
پابندی کی خلاف ورزی کرنے والے افراد کے خلاف قانونی کارروائی کی جائے گی جس کی نگرانی ضلعی انتظامیہ کرے گی۔
اس فیصلے کو علماء، سماجی رہنماؤں اور شہریوں نے سراہا ہے اور کہا ہے کہ فوتگی کے موقع پر سادگی، صبر اور دعا کو ترجیح دی جانی چاہیے نہ کہ غیر ضروری رسومات اور دکھاوا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔