پشاور کوچی بازار میں آگ لگنے کے باعث 4 افراد جاں بحق

پشاور کوچی بازار میں آگ لگنے کے باعث 4 افراد جاں بحق

پشاور کے علاقے کوچی بازار میں آگ لگنےسے چار لوگ جاں بحق ہو گئے ہیں، ریسکیو ذرائع کے مطابق آگ رہائشی مکان میں لگی اور رات گئے محلہ فضل کریم جان مارکیٹ میں پھیل گئی، جس میں ایک ہی خاندان کے 4 افراد جاں بحق ہوئے، ریسکیو ذرائع کا کہنا ہے کہ اطلاع ملتے ہی ریسکیو ٹیمیں فوری طور پر جائے وقوعہ پر پہنچ گئیں۔

چھ لوگوں کو عمارت سے باہر نکالا گیا جبکہ آتشزدگی کے دوران دو ریسکیو اہلکار بے ہوش ہو گئے تھے، جنہیں بعد میں اسپتال منتقل کر دیا گیا، ریسکیو حکام کا کہنا ہے کہ 6 فائر ٹینڈرز جبکہ 40 اہلکاروں نے آگ پر قابو پایا، تنگ گلیوں کی وجہ سے آگ بجھانے میں مشکلات کا سامنا تھا، آگ لگنے کی وجہ معلوم نہ ہو سکی۔