پشاور میں پاکستان تحریک انصاف کے حالیہ جلسے میں کارکنوں کی توقع سے کم شرکت پر پارٹی قیادت نے ضلعی تنظیم کے 25 عہدیداروں کو شوکاز نوٹس جاری کر دیے ہیں۔
تحریک انصاف نے 7 دسمبر کو حیات آباد اسپورٹس کمپلیکس میں جلسہ منعقد کیا تھا، جس سے وزیراعلیٰ خیبرپختونخوا سہیل آفریدی نے بھی خطاب کیا۔ پارٹی قیادت کا مؤقف ہے کہ ضلعی سطح کے ذمہ داران جلسے کے لیے کارکنوں کو متحرک کرنے میں ناکام رہے اور پارٹی ہدایات پر مکمل عملدرآمد نہیں کیا گیا۔
جاری کیے گئے نوٹس میں متعلقہ عہدیداروں کو تین روز کے اندر اپنی وضاحت پیش کرنے کی ہدایت دی گئی ہے، جبکہ واضح کیا گیا ہے کہ تسلی بخش جواب نہ ملنے کی صورت میں تادیبی کارروائی عمل میں لائی جائے گی۔
پی ٹی آئی ذرائع کے مطابق شوکاز نوٹس کے بعد بعض ضلعی عہدیداروں نے اپنے عہدوں سے استعفے بھی پیش کر دیے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔