پاکپتن میں ڈکیتی ؛ مزاحمت پر گھر کا واحد کفیل قتل

ہاٹ لائن نیوز : فائرنگ اور ڈکیتی کی وارداتوں میں جہاں شہری نقدی اور زیورات سمیت مال و دولت سے محروم ہو جاتے ہیں وہی شہری مزاحمت کی وجہ سے جان سے بھی ہاتھ دھو بیٹھتے ہیں۔

حال ہی میں پاکپتن میں ڈاکوؤں نے ایک دکاندار کو مبینہ طور پر ڈکیتی میں مزاحمت پر گولی مار کر ہلاک کر دیا ۔

پاکپتن میں قتل ہونے والا دکاندار 4 بچوں کا باپ اور گھر کا واحد کمانے والا تھا۔ کریانہ کی دکان پر مزاحمت پر ڈاکوؤں نے مبینہ طور پر فائرنگ کردی۔ جس سے دکاندار موقع پر ہی دم توڑ گیا۔

مقتول کی شناخت نصراللہ کے نام سے ہوئی ہے۔ جبکہ لواحقین کا کہنا ہے کہ موٹر سائیکل پر سوار تین مسلح ڈاکو ڈکیتی کی واردات کرنے آئے، مزاحمت کرنے پر انہیں گولی مار کر قتل کر دیا۔

مقتول نصراللہ چار بچوں کا باپ اور گھر کا واحد کفیل تھا، لواحقین نے وزیراعلیٰ پنجاب اور اعلیٰ حکام سے نوٹس لینےکی اپیل کی ہے۔