پاکستان کی اسرائیلی جارحیت پر شدید تشویش، عالمی برادری سے فوری اقدام کا مطالبہ
اسلام آباد: پاکستان نے غزہ میں اسرائیلی فوج کے تازہ حملوں کی سخت الفاظ میں مذمت کرتے ہوئے انہیں امن معاہدے کی صریح خلاف ورزی قرار دیا ہے۔
وزارت خارجہ کی جانب سے جاری بیان میں کہا گیا ہے کہ اسرائیل کی حالیہ کارروائیوں کے نتیجے میں کئی بے گناہ فلسطینی شہری شہیدہوئے، جو شرم الشیخ امن معاہدے کی روح کے منافی ہے۔
پاکستان نے عالمی برادری پر زور دیا ہے کہ وہ جنگ بندی کے مکمل نفاذ اور فلسطینی شہریوں کے تحفظ کو یقینی بنانے کے لیے فوری اور مؤثر اقدامات کرے۔
ترجمان دفتر خارجہ نے کہا کہ پاکستان فلسطینی عوام کی حمایت جاری رکھے گا اور اسرائیلی جارحیت کے فوری خاتمے کا مطالبہ کرتا ہے۔
بیان میں اس مؤقف کو بھی دہرایا گیا ہے کہ پاکستان 1967 سے پہلے کی سرحدوں کے مطابق ایک آزاد فلسطینی ریاست کے قیام کا حامی ہے، جس کا دارالحکومت القدس الشریف ہو۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔