پاکستان پر حملہ ہوا تو پھر جنگ ہو گی

پاکستان پر حملہ ہوا تو پھر جنگ ہو گی

وزیردفاع خواجہ آصف نے بھارت کو خبردار کیا ہے کہ اگر پاکستان پر کوئی حملہ ہوا تو پھر جنگ ہی ہو گی، پاک فوج کسی بھی صورتحال سے نمٹنے کے لئے تیار ہے، وزیر دفاع خواجہ آصف نے ایک انٹرویو میں پاک بھارت کشیدگی کے حوالے سے کہا کہ پاک فوج کسی بھی صورتحال کے لئے تیار ہے، بھارت جیسا کرے گا اسے ویسا ہی جواب ملے گا۔

انہوں نے کہا کہ حملے کو تنازع بنانا پاکستان اور بھارت کے درمیان جنگ کا سبب بن سکتا ہے، دنیا کو فکر ہونی چاہیے کہ دونوں ممالک کے پاس جوہری ہتھیار ہیں، بھارت کو پیغام ہے کہ ہمارے مسائل سنجیدہ ہیں، انہیں مذاکرات سے حل کرنا چاہیے، چیزیں بگڑیں تو خطہ ہی نہیں دنیا پر بھی اثرات پڑیں گے، ان کا مزید کہنا تھا کہ صدر ٹرمپ کی توجہ دنیا کے فلیش پوائنٹس پر ہے، اگر وہ اس معاملے میں مداخلت کرنا چاہیں تو کر سکتے ہیں۔