پاکستان کے مختلف علاقوں میں انٹرنیٹ سروس سست روی کا شکار ہے، جس کی وجہ ایک بین الاقوامی زیرِ سمندر کیبل کا متاثر ہونا بتایا جا رہا ہے۔
ذرائع کے مطابق سعودی عرب کے شہر جدہ کے قریب ایک سب میرین کیبل میں خرابی پیدا ہوئی ہے، جس سے انٹرنیٹ ٹریفک متاثر ہوئی ہے۔ اس خرابی سے بالخصوص ان کیبل سسٹمز SMW4 اور IMEWE کی بینڈوڈتھ متاثر ہوئی ہے، جس کے نتیجے میں ملک کے کچھ حصوں میں انٹرنیٹ کی رفتار میں کمی دیکھی جا رہی ہے۔
متعلقہ حکام کا کہنا ہے کہ متبادل بینڈوڈتھ کا استعمال کرتے ہوئے انٹرنیٹ سروس کو معمول پر لانے کی کوششیں جاری ہیں۔ انہوں نے مزید بتایا کہ خاص طور پر مصروف اوقات میں صارفین کو انٹرنیٹ کی رفتار میں کچھ کمی محسوس ہو سکتی ہے۔
مسئلے کے مستقل حل کے لیے تکنیکی ٹیمیں سرگرمِ عمل ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔