پارلیمنٹ میں وفاقی وزراءکی غیرحاضری ، صورتحال تشویش ناک قرار

پارلیمنٹ میں وفاقی وزراء کی عدم موجودگی کے معاملے کو ابھی تک حل نہیں کیا گیا ہے۔ ڈپٹی اسپیکر نے اس معاملے پروزیر اعظم اور وفاقی وزیر پارلیمانی امور کو ایک خط لکھا۔ خط میں کہا گیا ہے کہ وزراءکی پارلیمنٹ سے غیر موجودگی ایک سنگین مسئلہ ہے۔

ڈپٹی اسپیکر نے اپنے خط میں ، 20 وزراء خصوصا توانائی اور مواصلات کے وزراء کی عدم موجودگی کا حوالہ دیتے ہوئے کہا کہ یہ رویہ پارلیمانی روایات کیخلاف ورزی ہے۔

خط میں یہ بھی زوردیا گیاتھا کہ وزراء کی عدم موجودگی کیوجہ سے اہم عوامی مسائل پر تبادلہ خیال نہیں کیاجاسکتا ، جوایک سنجیدہ معاملہ ہے۔

ڈپٹی اسپیکر نے وزیراعظم سےمطالبہ کیا کہ وہ اس معاملے کوفوری طور پر حل کریں کیونکہ وزراءکی عدم دلچسپی ایوان کےمقصدکومتاثر کررہی ہے۔