ٹانک میں لڑکیوں کااسکول دھماکے سے تباہ، کوئی جانی نقصان نہیں ہوا
ٹانک میں لڑکیوں کا اسکول دھماکے سے تباہ، کوئی جانی نقصان نہیں ہواہے۔
خیبر پختونخوا کے ضلع ٹانک میں رات گئے نامعلوم افراد نے ایک گرلز پرائمری اسکول کو دھماکے سے تباہ کردیا۔ واقعہ گرہ بڈھا کے علاقے میں پیش آیا۔
پولیس حکام کے مطابق دھماکے کے نتیجے میں اسکول کی عمارت مکمل طور پر منہدم ہوگئی، تاہم خوش قسمتی سے کوئی جانی نقصان نہیں ہوا۔
ڈی پی او ٹانک شبیر حسین شاہ کے مطابق واقعے کے بعد علاقے میں ناکہ بندی کر کے سرچ آپریشن شروع کردیا گیا ہے تاکہ ملزمان کو گرفتار کیا جا سکے۔
سیکیورٹی اداروں نے جائے وقوعہ سے شواہد اکٹھے کر لیے ہیں اور تحقیقات جاری ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔