وزیراعظم 4 جون کو چین کے سرکاری دورے پر روانہ ہونگے

ہاٹ لائن نیوز : وزیر اعظم شہباز شریف 4 جون کو چین کے سرکاری دورے پر روانہ ہونگے۔

ترجمان دفتر خارجہ کے مطابق وزیر اعظم شہباز شریف کو چینی صدر اور وزیر اعظم نے دورے کی دعوت دی ہے۔ شہباز شریف 8 جون تک چین کے سرکاری دورے پر ہونگے۔

وزیراعظم شہباز شریف کے دورہ چین کے 3 حصے ہوں گے۔ وزیراعظم چینی دارالحکومت بیجنگ کے علاوہ ژیان اور شینزین کا بھی دورہ کرینگے۔

شہباز شریف چینی صدر شی جن پنگ سے ملاقات کریں گے۔ وزیراعظم اپنے چینی ہم منصب لی کیانگ کیساتھ وفود کی سطح پر بات چیت بھی کرینگے۔

ترجمان کے مطابق نیشنل پیپلز کانگریس کی اسٹینڈنگ کمیٹی کے چیئرمین اور اہم محکموں کے سربراہان سے بھی ملاقاتیں طے ہیں۔ وزیر اعظم کے دورے کا ایک اہم پہلو کارپوریٹ ایگزیکٹوز سے ملاقاتیں ہونگی۔