ن لیگ کا آزاد کشمیر میں نئے وزیراعظم کیلئے پیپلز پارٹی کو ووٹ نہ دینے کا فیصلہ
راولپنڈی: آزاد کشمیر میں ممکنہ ان ہاؤس تبدیلی کے حوالے سے مسلم لیگ (ن) کے اہم اجلاس کی تفصیلات سامنے آگئی ہیں۔
ذرائع کے مطابق اجلاس میں وفاقی وزراء احسن اقبال، رانا ثناءاللہ، وزیر امورِ کشمیر انجینئر امیر مقام، مسلم لیگ (ن) آزاد کشمیر کے صدر شاہ غلام قادر، سابق وزیراعظم راجہ فاروق حیدر اور دیگر پارلیمانی اراکین نے شرکت کی۔
مشاورت کے بعد مسلم لیگ (ن) نے فیصلہ کیا ہے کہ وہ حکومت کی تبدیلی کی تحریک میں پیپلز پارٹی کا ساتھ تو دے گی، تاہم نئے وزیراعظم کے انتخاب میں پیپلز پارٹی کے امیدوار کو ووٹ نہیں دے گی۔
ذرائع کے مطابق ن لیگ کا مؤقف ہے کہ تحریکِ عدم اعتماد اور قائدِ ایوان کے انتخاب دو الگ معاملات ہیں، اس لیے پارٹی قائدِ ایوان کے انتخاب میں غیر جانبدار رہے گی۔
اجلاس میں مزید طے پایا کہ پیپلز پارٹی سے آزاد کشمیر میں جلد انتخابات کے حوالے سے مشاورت کی جائے گی۔ پارٹی کی سیاسی رابطہ کمیٹی نے آزاد کشمیر کی قیادت سے آئندہ حکمتِ عملی پر تجاویز بھی طلب کر لی ہیں، جبکہ کمیٹی وزیراعظم شہباز شریف کو وطن واپسی پر تفصیلی بریفنگ دے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔