نیلم منیر کی شادی سے متعلق پیش گوئی سچ ثابت ہوئی

نیلم منیر کی شادی سے متعلق پیش گوئی سچ ثابت ہوئی

پاکستان کی نامور داکارہ نے نجی چینل پر انکشاف کیا کہ حال ہی میں ان کا ایکسیڈنٹ ہوگیا تھا جس کے سبب ان کا پاوں فریکچر ہو گیا تھا، دورانِ شو ماضی کا ایک ویڈیو کلپ شیئر کیا گیا جس میں نیلم منیر سے متعلق ایک پیش گوئی کی گئی تھی یہ ویڈیو کلپ 2016 کا ہے، جب نیلم منیر ان کے پروگرام میں بطور مہمان شریک ہوئی تھیں اور سیٹ پر موجود ماہرِ فلکیات آغا بہشتی نے ان سے متعلق پیش گوئی کی تھی۔

شو کے دوران آغا بہشتی نے اداکارہ کی شادی سے متعلق کی پیش گوئی کی کہ نیلم منیر کی شادی عرب ملک میں ہو گی، ان کی شادی دبئی یا خلیجی ممالک سے تعلق رکھنے والے کسی لڑکے سے ہو سکتی ہے یا پھر یہ کسی سے شادی کر کے مستقل بنیاد پر دبئی یا کسی خلیجی ملک منتقل ہو سکتی ہیں، نیلم منیر نے کہا تھا کہ ایسا ممکن نہیں ہے میرا کبھی پاکستان چھوڑ نے کا کوئی ارادہ نہیں ہے، جبکہ نیلم منیر نے دبئی پولیس کے سی۔ آئی۔ ڈی ڈیپارٹمنٹ میں کام کرنے والے نوجوان سے شادی کی تھی اور اس کے بعد وہ دبئی منتقل ہو گئی ہیں۔