نوواک جوکووچ آسٹریلین اوپن کے فائنل تک پہنچنے والے سب سے عمر رسیدہ کھلاڑی بن گئے

سربیا کے ٹینس اسٹار نوواک جوکووچ نے اپنے شاندار کیریئر میں ایک اور تاریخی سنگِ میل عبور کر لیا ہے۔
آسٹریلین اوپن کے سیمی فائنل میں جوکووچ نے جینک سنر کو سخت مقابلے کے بعد شکست دے دی۔ اس جیت کے ساتھ 38 سالہ جوکووچ وہ اوپن ایرا میں آسٹریلین اوپن کے فائنل تک پہنچنے والے سب سے عمر رسیدہ کھلاڑی بن گئے ہیں، اور انہوں نے کین روزوال کا 1972 میں قائم کیا گیا ریکارڈ توڑ دیا۔
جوکووچ نے چار گھنٹے نو منٹ تک جاری رہنے والے میچ کے بعد اپنی فتح حاصل کی، اور اب وہ اپنے 25ویں گرینڈ سلام اور 11ویں آسٹریلین اوپن ٹائٹل کے حصول کے قریب ہیں۔ فائنل میں ان کا مقابلہ عالمی نمبر ایک اسپین کے کارلوس الکاراز سے ہوگا۔
میچ کے بعد جوکووچ نے کہا کہ وہ اپنے جذبات کو الفاظ میں بیان نہیں کر سکتے، اور اتنی دیر تک کھیلنا اور اعلیٰ معیار کا کھیل پیش کرنا ہی ان کے لیے جیت کا راستہ تھا۔