نوشہرو فیروز: پیپلز پارٹی کے ایم این اے کے گھر ڈکیتی، اہلخانہ یرغمال
نوشہرو فیروز میں پیپلز پارٹی کے رکن قومی اسمبلی ذوالفقار علی کے گھر میں رات گئے ڈکیتی کی واردات پیش آئی۔
ذرائع کے مطابق چار مسلح افراد دیوار توڑ کر گھر میں داخل ہوئے اور اہلخانہ کو ڈھائی بجے سے صبح پانچ بجے تک یرغمال بنائے رکھا۔
ڈاکو زیورات، نقدی اور قیمتی سامان لوٹ کر فرار ہوگئے جبکہ ایک گاڑی بھی ساتھ لے گئے، جو بعد میں مورو بائی پاس کے قریب ملی۔
ذوالفقار علی کے مطابق واقعہ ڈکیتی کا ہے اور کسی سے ذاتی دشمنی نہیں۔
وزیراعلیٰ سندھ، صوبائی وزیرداخلہ اور ڈی آئی جی نے واقعے کی تفصیلات حاصل کرلی ہیں، جبکہ پولیس نے تحقیقات اور ملزمان کی تلاش شروع کر دی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔