نوبل انعام یافتہ پروفیسر کی اے آئی ٹیکنالوجی کے بارے میں خوفناک پیشین گوئیاں

مصنوعی ذہانت نے آج کی دنیا میں بہت سی چیزوں کو آسان بنا دیا ہے۔ لیکن نوبل انعام یافتہ پروفیسر نے اس حوالے سے خوفناک پیشین گوئی کی ہے کہ یہ اے آئی ٹیکنالوجی انسانوں کے لیے کیسے ثابت ہوگی۔

پروفیسر جیفری ہنٹن، جنہوں نے اے آئی ٹیکنالوجی کا مطالعہ کیا اور اس سال فزکس کا نوبل انعام جیتا، حال ہی میں ایک انٹرویو میں کہا کہ 10 سے 20 فیصد امکان ہے کہ اگلی تین دہائیوں میں اے آئی ٹیکنالوجی انسانوں کے ناپید ہونے کا سبب بنے گی۔

یاد رہے کہ پروفیسر جیفری ہنٹن نے گزشتہ سال گوگل چھوڑ دیا تھا کیونکہ ان کا خیال ہے کہ مستقبل میں اے آئی ٹیکنالوجیز کو انسانوں کو نقصان پہنچانے کے لیے استعمال کیا جا سکتا ہے۔

ان کا کہنا ہے کہ اے آئی ٹیکنالوجی بہت تیزی سے ترقی کر رہی ہے اور اگلے 20 سالوں میں ہم ایسے نظام تیار کرنے جا رہے ہیں جو انسانوں سے زیادہ ذہین ہوں۔