مہنگائی کے دور میں ریلیف: آئی فون 17 سیریز پر سود فری قسطیں دستیاب

ایپل کی نئی iPhone 17 سیریز اب پاکستان میں دستیاب ہے، اور صارفین کے لیے خوش خبری یہ ہے کہ ایم سی بی بینک نے ان ماڈلز کو بغیر سود کے آسان اقساط پر فراہم کرنے کا منصوبہ شروع کر دیا ہے۔ اس آفر میں iPhone 17 Pro، iPhone 17 Pro Max کے ساتھ ساتھ iPhone Air بھی شامل ہے، جس کا مقصد ایپل ڈیوائسز کی خریداری کو زیادہ آسان اور قابلِ رسائی بنانا ہے۔

ایم سی بی کے مطابق، صارفین اپنا MCB کریڈٹ کارڈ استعمال کرتے ہوئے آئی فون خرید سکتے ہیں اور ادائیگی کو اپنی سہولت کے مطابق مختلف مدت میں تقسیم کر سکتے ہیں۔ بینک نے اس آفر میں پروسیسنگ فیس بالکل ختم کر دی ہے، جس سے مجموعی لاگت مزید کم ہو جاتی ہے۔

اقساط کی مدت

بینک کی جانب سے درج ذیل دورانیوں کی اقساط دستیاب ہیں:
3، 6، 9، 12، 15، 18، 24، 30 اور 36 ماہ
تمام اقساط مکمل طور پر 0% مارک اپ پر ہیں، یعنی صارف کو صرف فون کی اصل قیمت ادا کرنا ہوگی۔

مفت پروٹیکشن بنڈل

ایم سی بی بینک خریداروں کو ایک مفت پروٹیکشن پیکج بھی فراہم کر رہا ہے، جس میں شامل ہیں:

ایک سال اضافی وارنٹی

ایک مرتبہ اسکرین ریپلیسمنٹ

ایک مرتبہ بیک گلاس ریپلیسمنٹ

20W کا اصلی ایپل فاسٹ چارجر

یہ بنڈل صارفین کے مطابق مارکیٹ میں دستیاب عام آفرز کے مقابلے میں خاصا بہتر ہے، خصوصاً اس لیے کہ ایپل کی ایکسیسریز اور وارنٹی کی قیمتیں کافی زیادہ ہوتی ہیں۔

خریداری کا طریقہ

آئی فون 17 سیریز کو اقساط پر حاصل کرنے کے لیے صارفین ایم سی بی کے ہیلپ لائن نمبر
042/021-111-000-622
پر کال کر کے بکنگ کروا سکتے ہیں۔ ادائیگی صرف MCB Credit Card کے ذریعے ممکن ہے، جبکہ ڈیوائس صارف کے پتے پر پہنچا دی جاتی ہے۔

ماہرین کا کہنا ہے کہ مہنگائی اور ڈالر کی بلند قیمتوں کے باعث اس طرح کی 0% مارک اپ اسکیم صارفین کے لیے بڑی سہولت ثابت ہو سکتی ہے۔