مصالحوں کے پیکٹ میں منشیات اسمگل کرنے کی کوشش ناکام
اے۔ این۔ ایف نے خفیہ اطلاع پر کارروائی کرتے ہوئے کنٹینر کے ذریعے 2 ارب سے زائد مالیت کا نشہ آئس دبئی پورٹ پر اسمگل کرنے کی کوشش ناکام بنا دی، ترجمان اے۔ این۔ ایف نے کارروائی کے دوران دو سو کلو آئس ڈرگ برآمد کی جس کی مالیت بین الاقوامی مارکیٹ میں 2 ارب سے زائد ہے جسے کراچی گیٹ وے سے دبئی جبل علی اسمگل کیا جا رہا تھا۔
ترجمان اے۔این۔ایف کے مطابق پورٹ کنٹرول یونٹ نے خفیہ اطلاع پر دبئی کے لیے بک کرائے گے کنٹینر کی تلاشی لی تو کنٹینر میں بروسٹ مصالحے کے دو ہزار پیکٹس موجود تھے جن میں مہارت سے آئس کے پیکٹس کو رکھا گیا تھا۔ترجمان کا کہنا ہے کہ کنسائنمنٹ الشمس امپورٹ ایکسپورٹ ملتان کی جانب سے بک کروایا گیا تھا، منشیات برآمد کرنے کے بعد ملزمان کی گرفتاری کے لیے چھاپے مارے جا رہے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔