لبنان میں اسرائیلی حملے جاری، 22 افراد شہید 112 زخمی

ہاٹ لائن نیوز : لبنان پر اسرائیل کی وحشیانہ بمباری جاری، تازہ ترین اسرائیلی حملے میں تین افراد شہید اور متعدد زخمی ہوگئے۔

اسرائیلی فوج نے لبنان کے گاؤں بعلبیک میں ایک گھر کو نشانہ بنایا، لبنان میں ایک ہی دن میں 22 افراد شہید اور 112 زخمی ہوگئے۔

حزب اللہ جوابی کارروائی میں شمالی اسرائیل پر راکٹ داغ رہی ہے۔ گزشتہ روز ایک راکٹ حملے میں دو اسرائیلی ہلاک اور آٹھ زخمی ہو گئے تھے۔

دوسری جانب اسرائیل نے لبنان میں اپنے کئی فوجیوں کی ہلاکت اور تباہ کن ناکامی اور نقصانات کے بعد زمینی حملے کے خاتمے کا عندیہ دے دیا ہے۔