لاہور ہائیکورٹ نے پنجاب حکومت کو انسداد دہشتگری سمیت دیگر سپشل عدالتوں میں ججز کی تعیناتی کے لے 24مئی تک آخری مہلت دیدی ،، چیف جسٹس لاہور ہائیکورٹ نے ریمارکس دئیے کہ اگر آئندہ سماعت پر ججز تعینات نہ ہوئے تو وزیر اعلیٰ پنجاب خود عدالت میں پیش ہوں ،،
چیف جسٹس لاہور ہائیکورٹ ملک شہزاد احمد خان نے اے ٹی سی عدالت روالپنڈی سے کیس منتقلی کی درخواست پر سماعت کی دوران سماعت ایڈووکیٹ جنرل پنجاب خالد اسحاق نے بتایا کہ وزیرا علی نے کابینہ کے آئندہ اجلاس میں ججز تعیناتی کے معاملے کو ایجنڈا نمبر ون میں رکھنے کا کہا ہے ،،،جس پر چیف جسٹس نے استفسار کیا کہ کابینہ کا آئندہ اجلاس کب ہے؟ آپ کو کابینہ کی اسپیشل میٹنگ بلا لینی چاہیے تھی اور آپ کو یہ کام کرکے آنا چاہیے تھا ،،جس پر ایڈووکیٹ جنرل پنجاب نے کہا کہ جمعے کے روز ہم کابینہ کا اجلاس بلا کر اس معاملے کو حل کرلیتے ہیں
،،ایڈووکیٹ جزل نے کہا کہ ججز کی تعیناتی کے لئے ہائیکورٹ کی طرف سے دئیے گئے ناموں پر حکومت کو کوئی اعتراض نہیں ہے ،،،جس پر چیف جسٹس نے ریمارکس دئیے کہ ججز کی تعیناتی بارے کوئی نوٹیفیکیشن آج عدالت میں پیش نہیں کیا گیا ،،،تاہم عدالت نے پنجاب حکومت کو ججز کی تعیناتی کے لئے آخری موقع دیتے ہوئے وزیر اعلیٰ پنجاب اور کابینہ کو آیندہ سماعت تک ججز کی تعیناتی کے نوٹیفیکیشن جاری کرنے کا حکم دیدیا ،،،
عدالت نے کاروائی 24جون تک ملتوی کردی
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔