لاس اینجلس میں ہوائیں مزیدتیز؛ آگ پھیلنےکا خدشہ

ہاٹ لائن نیوز : لاس اینجلس میں تیز ہواؤں نے آگ کو مزید پھیلنے کے خطرے میں ڈال دیا ہے، ممکنہ طور پر فائر فائٹرز کے لیے اس علاقے میں جنگل کی آگ پر قابو پانا مشکل ہو گیا ہے۔ گزشتہ ایک ہفتے کے دوران آتشزدگی سے کم از کم 25 افراد ہلاک اور سینکڑوں مکانات اور عمارتیں تباہ ہو چکی ہیں۔ کیلیفورنیا کے گورنر گیون نیوزوم نے خبردار کیا ہے کہ مرنے والوں کی تعداد بڑھ سکتی ہے کیونکہ بہت سے لوگ ابھی تک لاپتہ ہیں۔

غیر ملکی میڈیا رپورٹس کیمطابق لاس اینجلس میں 160 مربع کلومیٹر سے زائد کا بڑا علاقہ منگل کی صبح تک جل کر راکھ ہوگیا۔

لاس اینجلس میں جنگل کی آگ سے 12ہزارسے زائد عمارتیں تباہ ہو چکی ہیں۔ یو ایس نیشنل ویدر سروس نے بدھ کے روز آگ کی شدید صورت حال سے خبردار کیا ہے۔ انکا کہنا تھا کہ 80 کلومیٹر فی گھنٹہ کی رفتار سے چلنےوالی ہوائیں اور پہاڑوں میں 113 کلومیٹر فی گھنٹہ کی رفتارسےچلنےوالی ہوائیں آگ کو بھڑکاسکتی ہیں۔