فصل کی کٹائی کے دوران فائرنگ ، 5 ہلاک

ہاٹ لائن نیوز: گنے کی فصل میں چھپے مسلح افراد کی فائرنگ سے 5 کٹائی کرنے والے ہلاک ہوگئے۔

پولیس کے مطابق واقعہ رحیم یار خان کے علاقے ماچھکلہ میں پیش آیا، جہاں گنے کی فصل میں چھپے مسلح افراد نے کٹائی کرنے والوں پر فائرنگ کردی، جس کے نتیجے میں 5 افراد جاں بحق ہوگئے۔

پولیس کا کہنا ہے کہ اس وقت چھت پر کھڑی لڑکی بھی گولی لگنے سے جاں بحق ہو گئی ہے اور بدقسمتی سے گولی اسے بھی لگی۔

پولیس کے مطابق واقعے کی اطلاع ملتے ہی لوگوں کی بڑی تعداد موقع پر پہنچ گئی اور ملزمان کی تلاش کے لیے علاقے کو گھیرے میں لے لیا۔ پولیس اور ملزمان کے درمیان فائرنگ بھی ہوئی جس سے 2 ڈاکو ہلاک ہو گئے ۔

پولیس کا کہنا ہے کہ فائرنگ سے ہلاک ہونے والے دونوں ملزمان ڈاکو ہیں جن کی شناخت عمر شر اور کمو کے نام سے ہوئی ہے، ان کے دیگر ساتھیوں کی بھی تلاش جاری ہے۔