غیر ملکی فوڈ آؤٹ لیٹس پر حملے کے خلاف حکومت ایکشن میں

غیر ملکی فوڈ آؤٹ لیٹس پر حملے کے خلاف حکومت ایکشن میں

تفصیلات کے مطابق غزہ جنگ کی آڑ میں ملکی کاروبار کو نقصان پہنچانے والوں کے خلاف کارروائیاں شروع ہو گئیں ہیں، راولپنڈی میں غیر ملکی ریسٹورنٹ پر حملہ کرنے والے چار ملزمان کی شناخت ہو گئی۔

پولیس نے غیر ملکی ریسٹورنٹ پر حملہ کرنے والے دو ملزمان کو گرفتار کر لیا ہے، جبکہ دیگر 2 کی گرفتاری کے لیے چھاپے مارے جا رہے ہیں، پولیس حکام کا کہنا ہے گرفتار ملزمان میں سے مرکزی ملزم گجرا چوک سے گرفتار ہوا ہے، جسے کینٹ تھانے میں منتقل کیا گیا ہے۔

پاکستان میں معاشی سرگرمیوں کو نقصان پہنچانے والےعناصر سے سختی سے نمٹنے کا فیصلہ ہوا ہے، ادھر پنجاب کے شہر شیخوپورہ میں لاہور بائی پاس چوک پر بھی ایک غیر ملکی فوڈ آؤٹ لیٹ پر فائرنگ سے 1 شخص جاں بحق ہوا، ڈی۔ پی۔او بلال ظفر کے مطابق موٹر سائیکل سوار حملہ آور فائرنگ کر کے فرار ہو گیا تھا، پولیس کی بھاری نفری موقع پر پہنچی، ملزم کی گرفتاری کے لیے تفتیش جاری ہے۔