غلاف کعبہ کی تبدیلی کی تقریب آج منعقد ہو گی
نئے اسلامی سال کے شروع ہونے پر مسجد الحرام میں غلافِ کعبہ کی تبدیلی کی بابرکت اور روح پرور تقریب آج بعد نمازِ عصر منعقد ہو گی، تمام تر انتظامات مکمل کر لیے گئے ہیں، غلافِ کعبہ کی تبدیلی اور تیاری کا عمل خادم الحرمین الشریفین کی نیابت میں گورنر مکہ مکرمہ میں انجام دیں گے، غلافِ کعبہ کی تیاری کا عمل بہت عقیدت اور مہارت سے مکمل کیا جاتا ہے۔
گیارہ ماہ کی مسلسل محنت سے تیار کیا کردہ یہ غلاف مجموعی طور پر ایک ہزار چار سو پندرہ کلوگرام وزنی ہے، غلاف کی تیاری میں ہزار کلوگرام سِلک، 120 کلوگرام سونا اور سو کلوگرام چاندی استعمال ہوئی ہے، تقریب کا باقاعدہ آغاز عصر کے بعد پرانے غلاف کو احتیاط سے ہٹانے سے ہوگا، جب کہ نیا غلاف عشاء کے بعد کعبہ شریف پر چڑھایا جائے گا، یہ لمحے روحانی اہمیت رکھتے ہیں، جسے لاکھوں فرزندانِ اسلام عقیدت و احترام سے دیکھتے ہیں، یہ روایت ہر سال 1 محرم الحرام کو ادا کی جاتی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔