علی امین گنڈاپور کےناقابلِ ضمانت وارنٹ گرفتاری جاری
اسلام آباد کی ایک مقامی عدالت نے سابق وزیراعلیٰ خیبرپختونخوا علی امین گنڈاپور کے خلاف ناقابلِ ضمانت وارنٹ گرفتاری جاری کر دیے ہیں۔
یہ احکامات جوڈیشل مجسٹریٹ مبشر حسن کی جانب سے جاری کیے گئے، جہاں شراب اور اسلحہ برآمدگی کیس کی سماعت کے دوران ملزم کی مسلسل غیر حاضری پر عدالت نے سخت رویہ اختیار کیا۔
کیس کی سماعت کے دوران عدالت کو بتایا گیا کہ علی امین گنڈاپور متعدد بار طلبی کے باوجود پیش نہیں ہوئے۔ جس پر عدالت نے پولیس کو ہدایت کی کہ انہیں گرفتار کرکے آئندہ سماعت پر عدالت میں پیش کیا جائے۔
یہ مقدمہ اسلام آباد کے تھانہ بارہ کہو میں درج ہے، جس میں سابق وزیر پر غیر قانونی شراب اور اسلحہ رکھنے کا الزام ہے۔ عدالت نے کیس کی آئندہ سماعت 28 اکتوبر تک ملتوی کر دی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔