صدر مملکت آصف علی زرداری نے عالمی یوم برداشت کے موقع پر قوم سے اظہار یکجہتی اور اتحاد کا پیغام دیا۔ انہوں نے کہا کہ پاکستان کا آئین ہر شہری کو مذہبی آزادی اور بنیادی حقوق فراہم کرتا ہے اور حکومت بین المذاہب ہم آہنگی کو فروغ دینے کے لیے پرعزم ہے۔
صدر نے مزید کہا کہ اسلام انسانیت، شفقت اور عدل کا درس دیتا ہے اور حکومت سماجی و مذہبی استحصال کے خاتمے کے لیے اقدامات کر رہی ہے۔ ہر شہری کے مساوی حقوق کا تحفظ بانی پاکستان قائداعظمؒ کا وژن ہے اور یہ پاکستان کی ترجیح ہے۔
انہوں نے کہا کہ نوجوان نسل نفرت اور تعصب کے خلاف کھڑی ہو اور محبت، برداشت اور اتحاد کا پیغام عام کرے۔ اقلیتی حقوق کے تحفظ کے لیے نیشنل کمیشن فار مائنارٹیز رائٹس بل 2025 اور پارلیمانی منارٹیز کا قیام خوش آئند ہے۔
صدر زرداری نے یقین دلایا کہ پاکستان کو رواداری، امن اور سماجی ہم آہنگی کی مثال بنایا جائے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔