عالمی تیل کی قیمتیں 98 ڈالر فی بیرل تک پہنچ گئیں

عالمی منڈی میں خام تیل کی قیمتوں میں نمایاں اضافہ دیکھا گیا ہے، جہاں امریکی خام تیل اور برینٹ آئل کی قیمت تقریباً 98 ڈالر فی بیرل تک پہنچ گئی ہے۔ ماہرین کے مطابق اس کی بنیادی وجہ امریکہ اور ایران کے درمیان بڑھتی ہوئی فوجی کشیدگی ہے، جس سے عالمی تیل کی سپلائی متاثر ہو رہی ہے۔
دنیا کے تقریباً 20 فیصد خام تیل کی ترسیل اہم آبی راستے، آبنائے ہرمز سے ہوتی ہے، جو اس وقت ایران کی جانب سے بند ہے۔ ماہرین کا کہنا ہے کہ اگر خلیج کے ممالک سے تیل کی ترسیل متاثر رہی تو عالمی منڈی میں روزانہ کروڑوں بیرل کی کمی واقع ہو سکتی ہے۔
اقتصادی تجزیہ کاروں نے خدشہ ظاہر کیا ہے کہ اس صورتحال کے تسلسل کی صورت میں عالمی تیل کی قیمتیں 200 ڈالر فی بیرل تک پہنچ سکتی ہیں، جس سے عالمی معیشت پر بھی اثر پڑ سکتا ہے۔