شیر پور جیل سے 500 سے زائد قیدی فرار ہو گئے

ہاٹ لائن نیوز: وزیر اعظم شیخ حسینہ کے استعفیٰ کے بعد افراتفری کی سیاسی صورتحال کا فائدہ اٹھاتے ہوئے بنگلہ دیش کی شیر پور جیل سے 500 سے زائد قیدی فرار ہو گئے۔

جیل توڑ کر فرار ہونے والے قیدیوں میں سے کئی مسلح ہیں جب کہ کسی بھی ممکنہ پھیلاؤ کو روکنے کے لیے بارڈر سیکیورٹی فورس نے سرحد پر اپنی تعیناتی بڑھا دی ہے۔ حکام نے فرار ہونے والوں میں سے 20 کی شناخت ممکنہ دہشت گردی سے وابستہ ہونے کے طور پر کی ہے۔

بنگلہ دیشی میڈیا کیمطابق ضلع شیرپور میں لاٹھیوں سے مسلح ہجوم نے ڈسٹرکٹ جیل میں گھس کر 500 سے زائد قیدیوں کو رہا کر دیا۔

دوسری جانب باغیوں نے کم از کم 6 تھانوں میں توڑ پھوڑ اور آگ لگا دی ہے۔ ان تھانوں سے اسلحہ، گولیاں اور دیگر سامان لوٹنے کی بھی اطلاعات ہیں۔ عوامی لیگ کے رہنماؤں اور کارکنوں کے گھروں اور افسران کو بھی نشانہ بنایا گیا ہے۔