شیخ رشید کی بریت کی درخواست مسترد؛ تحریری فیصلہ جاری
ہاٹ لائن نیوز : لاہور ہائیکورٹ نے عوامی مسلم لیگ کے سربراہ شیخ رشید کی بریت کی درخواست مسترد کرتے ہوئے تحریری فیصلہ جاری کر دیا۔
تفصیلات کیمطابق لاہور ہائیکورٹ کے جسٹس مرزا وقاص رؤف کی سربراہی میں 2 رکنی بینچ نے شیخ رشید کی بریت کی درخواست مسترد کرتے ہوئے تحریری فیصلہ جاری کیا۔
تحریری فیصلے میں کہا گیا ہے کہ عدالت نے 9 مئی کے جی ایچ کیو حملہ کیس میں بریت کی درخواست خارج کردی، درخواست گزار نے ابتدائی مرحلے پر بریت کی درخواست دائر کی، کیس میں گواہان پیش ہونا باقی ہیں اور ٹرائل ہونا باقی ہے۔
فیصلے میں کہا گیا کہ گواہوں اور شواہد کو دیکھنے کے بعد عدالت بریت کا فیصلہ کرتی ہے، عدالت اس مرحلے پر بریت کی درخواست مسترد کرتی ہے، ٹرائل کے مرحلے پر درخواست گزار بریت کی درخواست دائر کرنے میں آزاد ہوں گے۔
عدالت نے اپنے فیصلے میں مزید کہا کہ درخواست گزار کے مطابق سیاسی بنیادوں پر ان کے خلاف مقدمہ درج کیا گیا، درخواست گزار کے مطابق سزا کا کوئی امکان نہیں، پولیس کے مطابق درخواست گزار کو شریک ملزم کے بیانات کی روشنی میں نامزد کیا گیا۔ –
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔