شوہر کا بیوی پر حملہ: سڑک پر گلا کاٹنے کی کوشش، ویڈیو وائرل
اوڈیشہ کے شہر بھونیشور کے قریب ایک افسوسناک واقعہ پیش آیا جہاں گھریلو تنازع کے باعث شوہر نے بیوی پر سڑک پر حملہ کر دیا۔
واقعہ جمعرات کی دوپہر بالاسور ضلع میں پیش آیا، جب ایک شخص اپنی ناراض بیوی سے صلح کے لیے کٹک سے 175 کلومیٹر کا سفر طے کرکے آیا۔ مقامی ذرائع کے مطابق دونوں کے درمیان کافی عرصے سے اختلافات چل رہے تھے۔
راستے میں دونوں کے درمیان بات چیت ہو رہی تھی، کہ اچانک شوہر نے بیوی کو بالوں سے پکڑ کر سڑک پر گھسیٹا اور پھر تیز دھار آلے سے اس پر حملہ کر دیا۔ واقعے کی ویڈیو ایک راہ گیر نے اپنے موبائل فون میں محفوظ کر لی، جو بعد میں سوشل میڈیا پر وائرل ہو گئی۔
زخمی خاتون کو فوری طور پر قریبی اسپتال منتقل کیا گیا، جہاں ابتدائی طبی امداد کے بعد تشویشناک حالت کے پیشِ نظر اسے کٹک کے بڑے اسپتال ریفر کر دیا گیا ہے۔
موقع پر موجود شہریوں نے ملزم کو فرار ہونے سے پہلے ہی قابو میں لے کر پولیس کے حوالے کر دیا۔ پولیس نے مقدمہ درج کر کے تفتیش شروع کر دی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔