شاعر مشرق کا یوم وفات آج عقیدت و احترام سے منایا جا رہا ہے

ہاٹ لائن نیوز : قومی شاعر اور مفکر پاکستان علامہ محمد اقبالؒ کا 86 واں یوم وفات آج عقیدت و احترام سے منایا جا رہا ہے، وہ 9 نومبر 1877 کو ضلع سیالکوٹ میں پیدا ہوئے، ابتدائی تعلیم سیالکوٹ سے حاصل کی ،ایف۔ اے کے بعد مزید تعلیم کے لئے لاہور آ گئے اور گورنمنٹ کالج لاہور میں داخلہ لے لیا۔

شاعر مشرق کا تعلیم کے ساتھ ساتھ شاعری کا سلسلہ بھی چلتا رہا، علامہ اقبالؒ کی مشہور تصانیف میں شکوہ، جواب شکوہ، بانگ درا، جاوید نامہ، پیام مشرق اور ضرب کلیم شامل ہیں،حکیم الامت 21 اپریل 1938 کو اپنے خالق حقیقی سے جا ملے اور آپ بادشاہی مسجد کے پہلو میں دفن ہیں۔