سینٹکام کا دعویٰ: ایران میں 9 ہزار سے زائد اہداف نشانہ

سینٹکام نے دعویٰ کیا ہے کہ اس نے ایران کے اندر جاری فوجی کارروائی کے دوران 9 ہزار سے زائد اہداف کو نشانہ بنایا ہے، جن میں متعدد بحری اثاثے بھی شامل ہیں۔

سینٹکام کی جانب سے جاری کردہ ایک بیان کے مطابق امریکی افواج نے ایران کے 140 سے زیادہ بحری جہازوں کو نقصان پہنچایا یا تباہ کیا ہے۔ حکام کا کہنا ہے کہ یہ کارروائیاں ایک بڑے فوجی آپریشن کا حصہ ہیں جو گزشتہ ماہ شروع ہوا تھا اور اب بھی جاری ہے۔

بیان میں مزید کہا گیا ہے کہ اس آپریشن کے دوران فضائی، بحری اور زمینی قوتوں کو وسیع پیمانے پر استعمال کیا گیا۔ ان میں اسٹریٹجک بمبار طیارے، جدید لڑاکا جیٹ، ڈرونز اور میزائل دفاعی نظام شامل ہیں۔

امریکی فوج کے مطابق کارروائی کا مقصد مخصوص عسکری اہداف کو نشانہ بنانا اور خطے میں اپنی حکمت عملی کو مؤثر بنانا ہے۔