سیلاب میں پھنسے 6 شیر بحفاظت ریسکیو، وائلڈ لائف رینجرز کا کامیاب آپریشن
لاہور: وائلڈ لائف رینجرز اور وائلڈ لائف ریسکیو فورس نے راوی کے کنارے ایک فارم ہاؤس میں سیلابی پانی میں پھنسے ہوئے 6 شیروں کو کامیاب ریسکیو آپریشن کے بعد محفوظ مقام پر منتقل کر دیا۔
ریسکیو حکام کے مطابق یہ آپریشن ملتان روڈ پر واقع ایک نجی فارم ہاؤس میں انجام دیا گیا، جہاں سیلابی صورتحال کے باعث شیر محصور ہو گئے تھے۔ ریسکیو ٹیم نے چار کشتیوں، ماہر ویٹنری ڈاکٹروں اور خصوصی تربیت یافتہ عملے کی مدد سے یہ پیچیدہ کارروائی مکمل کی۔
پنجاب کی سینئر وزیر مریم اورنگزیب نے اس کامیاب ریسکیو مشن پر وائلڈ لائف رینجرز کی تعریف کرتے ہوئے کہا کہ قدرتی آفات کے باوجود ٹیم نے جانفشانی سے اپنے فرائض انجام دیے اور نہ صرف شیروں کو بچایا بلکہ انسانی جانوں کو بھی ممکنہ خطرے سے محفوظ رکھا۔
انہوں نے مزید بتایا کہ ریسکیو کیے گئے تمام شیروں کا فوری طبی معائنہ کیا جا رہا ہے تاکہ ان کی صحت کو یقینی بنایا جا سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔