سندر میں ایک شہری نے اپنی بیوی کی جانب سے مبینہ تشدد کی شکایت سیف سٹی پبلک سیفٹی ایپ کے ذریعے درج کروائی۔
ترجمان کے مطابق شہری نے ایپ کے ویڈیو کال فیچر کے ذریعے مدد طلب کی اور مبینہ تشدد کے شواہد ریکارڈ کیے۔ اس دوران اس نے جان سے مارنے کی دھمکی کے بارے میں بھی آگاہ کیا۔
شکایت موصول ہوتے ہی سیف سٹی آفیسر نے فوری طور پر تھانہ سندر پولیس کو اطلاع دی، جس پر پولیس ٹیم فوراً موقع پر پہنچی۔ پولیس نے دونوں فریقین سے معلومات حاصل کر کے معاملے کی جانچ کی۔
ترجمان نے بتایا کہ سیف سٹی آفیسر اور پولیس کی بروقت کارروائی کے نتیجے میں گھریلو تنازعہ خوش اسلوبی سے حل کر لیا گیا۔
سیف سٹی ترجمان نے کہا کہ یہ ایپ شہریوں کو ہنگامی حالات میں فوری معاونت فراہم کرنے میں مؤثر کردار ادا کر رہی ہے۔ شہری ویڈیو کال کے ذریعے شکایات درج کرا سکتے ہیں اور ہنگامی صورتحال میں شواہد براہ راست ایپ کے ذریعے شیئر کر سکتے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔