کراچی ایک بڑی ممکنہ تباہی سے محفوظ رہا، جہاں سکیورٹی اداروں نے بروقت کارروائی کرتے ہوئے دہشت گردی کا منصوبہ ناکام بنا دیا۔
سکیورٹی ذرائع کے مطابق بلدیہ رئیس گوٹھ کے علاقے میں انٹیلی جنس معلومات کی بنیاد پر کارروائی کی گئی، جس دوران چار ٹن سے زائد دھماکا خیز مواد برآمد ہوا۔ کارروائی کے دوران ایک منی ٹرک اور متعدد گیس سلینڈرز بھی تحویل میں لے لیے گئے۔
حکام کا کہنا ہے کہ یہ کارروائی گرفتار دہشت گردوں کی نشاندہی پر عمل میں لائی گئی۔ ابتدائی تحقیقات کے مطابق دہشت گرد دھماکا خیز مواد سے بھرا ٹرک آئی آئی چندریگر روڈ پر استعمال کرنے کا منصوبہ رکھتے تھے۔
سکیورٹی اداروں کے مطابق بم ڈسپوزل اسکواڈ نے برآمد شدہ مواد کو محفوظ طریقے سے ناکارہ بنا دیا۔ دھماکا خیز مواد ڈرموں میں بھر کر شہر منتقل کیا گیا تھا، جن میں 60 ڈرم اور 5 گیس سلینڈرز شامل ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔